ما هي صيغة قائمة المنقولات الزوجية القانونية Word و PDF
في البداية موقع مستنشارنا دوت كوم بيقولك ألف مبروك زواج سعيد و مبارك إن شاء الله و دلوقتي لازم تعرفي ازاي تكتبي قائمة المنقولات الزوجية و أنتي في بيتك ، علشان كده مستشارنا حملك القايمة بصيغة Word تقدري تحمليها على راحتك و تعدلي فيها ، و حملناها كمان بصيغة PDF عشان تعرفي بتتكتب ازاي .
تحميل صيغة قائمة المنقولات الزوجية Word
حملي صيغة قائمة المنقولات الزوجية بصيغة Word من هنا
تحميل صيغة قائمة المنقولات الزوجية PDF
يمكنك أيضا تحميل صيغة قائمة المنقولات الزوجية PDF من هنا
متى تسقط قائمة المنقولات الزوجية ؟
قائمة المنقولات الزوجية تعتبر عقد من عقود الأمانة ، بمعنى أن لابد أن تحتوي على صيغة الاستلام على سبيل الأمانة و الرد حين الطلب .
خلينا نتكلم بالعامية المصرية عشان توصلك المعلومة كويس و تفهمي أيه اللي مقصود منها .
الزوج بيمضي بإستلام المنقولات الزوجية اللي مكتوبة على في القايمة و بيتعهد بردها عند الطلب ، و لو في حاجة مش موجوده منهم و مكتوبة بيتم دفع ثمنها ، و إلا بيتم الحكم عليه بالحبس .
مش كده و بس لا ده كمان بيقر فيها أن جميع المنقولات الزوجية هي ملك للزوجة ، حتى و لو هو اللي مشتري المنقولات دي .
هنا بيجي سؤال : ممكن أرفع القائمة و لسه العلاقة الزوجية قائمة ؟
بالتأكيد ، إحنا سردنا المعلومة دي عشان تطمني بس مش أكتر و بنبارك لحضرتك مرة تاني مرة عشان متدخليش في جو القضايا و الكلام الكبير ده ، أنتي دلوقتي عروسة أفرحي و بس ، بنقولك كل معلومة عشان تعرفي حقوقك فيها و متضعش على الفاضي .
متى تسقط جنحة تبديد المنقولات الزوجية ؟
حكم جنحة تبديد المنقولات الزوجية زيه زي أي حكم جنائي بيسقط بعد 3 سنين إن كان الحكم غيابي ، و إن كان حضوري بيسقط بعد مرور 5 سنوات .
هل تسقط قائمة المنقولات الزوجية بحبس الزوج ؟
في حالة لا قدر الله الزوج تم حبسه و للأسف في ناس كتيرة بتقع تحت الفخ ده و تفتكر إن الزوج طالما إتحبس كده القائمة سقطت و راحت على الزوجة .
و للأسف الاعتقاد ده خاطئ لأنه بيتم رفع دعوى تعويض بنطالب فيها بتعويض مادي بقيمة القائمة و بالاضافة للمصاريف اللي تحملتها الزوجة و تعويض معنوي عن الأضرار اللي أصابتها نتيجة التبديد .
ما هي ثغرات و أخطاء قائمة المنقولات الزوجية في مصر؟
خدي بالك و أنتي بتكتبي القايمة بتاعتك في ملاحظات للأسف مش بناخد بالنا منها و بتتسب في ضياع حقنا في القائمة و بتيتم الحكم بالبراءة .
- أولاً : لازم تكون القائمة موضحة تفصيلاً ، عشان تفهمي النقطة دي هقولك على مثال توضيحي :- في أشخاص بحسن نية بتيجي و هي بتكتب القايمة بتكتب مثلا غرفة نوم و من غير ما تكتب غرفة نوم مكونة من سرير و تسريحة و كذا و كذا و لونها كذا و نوعها كذا مصنوعة من خشب كذا ، اللي بيحصل ايه ؟ ان الزوج بيعرض غرفة نوم عادية و بكده بتكون ذمته بريئة من هذا البند و يكون عبء الإثبات على الزوجة و ندخل في خبير و قصة إحنا في غنى عنها ، لكن في حالة التوضيح التفصيلي بيكون هو مقيد و لازم يعرض المنقولات الموضحة بالتفصيل يا يعرض الثمن بتاعها ، و بكده تكوني حفظتي حقك .
- ثانياً : إمضاء الزوج أمام أشخاص ذو محل ثقة و ده في حالة أنه مش بيمضي قدامك ، ممكن تقولي الموضوع ده بديهي لكن للأسف أنا بنقلك الخبرات العملية في ناس بتقع في الفخ ده و تقول أن الزوج هيشوفها و بيمضي حد تاني مكانه و بحكم الثقة اللي بتكون في الأول بياخدوا القائمة على طول و تفاجئ في الأخر أنها مزورة للأسف .
- ثالثاً : أن صيغة عقود الأمانة متكنش مكتوبة في الآخر ، يعني استلم الزوج المنقولات و لكن مش على سبيل الأمانة ، فكده بياخد براءةفي الشق الجنائي و بتروحي بعدين لمحكمة الأسرة عشان ترفعي دعوى من دعاوي محكمة الأسرة اسمها دعوى مطالبة بأعيان جهاز .
- رابعاً : أن تكون القائمة صورية و في شهود على كده زي أيه عشان أوضح لحضرتك ، زي مثلاً يكون مضى على القائمة انه استلم مثلاً نص كيلو ذهب و هو الذهب مجاش أصلاً و بيكون معاه شهود على كده . فهمتي دلوقتي المقصود بالصورية أيه ؟
قائمة المنقولات الزوجية في حالة الخلع
تستحق قائمة المنقولات الزوجية حتى في حالة الخلع ، لأنها مش مرتبطة باستمرار العلاقة الزوجية ده أولاً .
و ثانياً : لأن في دعوى الخلع بتتنازل الزوجة عن جميع حقوقها الشرعية من نفقة و بترد مقدم الصداق و بتتنازل عن عدتها و متعتها كمان .
صيغة إقرار إستلام المنقولات الزوجية
في المرحلة دي و بعد ما تستلم الزوجة جميع منقولاتها الزوجية بتمضي على اقرار استلام و صيغة كالآتي :
نموذج إقرار إستلام منقولات زوجة
أقر أنا الموقعهة أدناه / المقيمة : و أحمل بطاقة رقم قومي
بأنني أستلمت جميع منقولاتي الزوجية و الموضحة عدداً و وصفاً بصلب القائمة ، و هذا إقرار مني بالاستلام و بتمضي في الآخر
موضوعات ذات صلة
في النهاية ندعوكي للأنضمام إلى عائلتنا على التليجرام عشان تعرفي كل جديد من هنا